Қибрай тумани ҳокими М.Миркасимов сектор раҳбарлари ҳамроҳлигида "Ўткир" ва "Мустақиллик" маҳаллаларидаги ёшларнинг таклиф ва муаммоларини ўрганди.

Хусусан, бир нафар ёшга тикувчилик машинаси олиши учун 5 иш кунида кредит ажратиш бўйича Халқ банки туман филиали мутасаддиларига топшириқ берилди.

Шунингдек, ёшларнинг хоҳиш-истакларига қараб уларнинг 2 нафарига олий таълимга тайёргарлик кўриши учун қўшимча (репетитор) дарслар ташкил этиш белгиланди, 5 нафарини касб-ҳунарга ўқитиш учун стипендия тўланадиган йўлланма ажратилди.

Бундан ташқари, йигит-қизларнинг кредит ажратиш, бандлик каби бошқа мурожаатлари юзасидан тегишли масъулларга вазифалар топширилди.